iSabide ai 3 di Dicembar, i agjents des Volanti de Cuesture di udin a àn denunziât par ricetazion une cubie di citadins gjeorgjians. L’om, 47 agns, e la femine, 36 agns, residents in Ligurie, a son stâts controlâts intune cjamare di albierc: sul jet a jerin poiâts diviers tocs di vistiari gnûfs di marcjis famosis, che di chei no jerin stats boigns di sclarî il possès.
Dopo un control curât, a son stâts secuestrâts – in spiete di individuâ i proprietaris – cinc pârs di scarpis, doi capelins di lane, trê pârs di bregons, cuatri maiis, un pâr di manecis, cinc pârs di cjalcis, cuatri borsis, un profum, vot videozûcs de console Nintendo Switch, ancjemò sigjilâts e 30 vâs di 195 grams di filets di ton in vueli di ulive.
La femine, cjatade in possès di fuarpiis e di un imprest par dislontanâ lis plachis cuintri des robariis, e je stade denunziade ancje pal possès injustificât di clâfs alteradis.
Viers di ducj i doi il Cuestôr al à disponût il sfuei di vie obligatori cun improibizion di tornade intai Comuns di Udin e Pradaman par trê agns. Cui che al vedi patît la robarie dai bens al è preât di clama la Cuesture di Udin pe restituzion. (ADG) – 5.12.2022
