Une femine di 70 agns e il so om a son restâts cence corint par dut il fin de setemane. Al è sucedût a Valnunciel indulà che une cubie e à scugnût vivi cence lûs, riscjaldament e altri par vie dal fat che la Enel e veve decidût di stacâ vie dut. La imprese e veve visât la cubie, cence però che la siore e ves fat nuie, che intal zîr di cualchi dì i varessin studât dut.
Par fortune, viodût ancje che il so om al sta pôc ben, la femine e je rivade a no fâ sierâ il gas. Tal lunis e je lade intun negozi de Enel par tornâ a fâ un gnûf contrat, ma subite dopo e je lade dai carabinîrs par denunziâ la interuzion di servizi public e la sostituzion di persone. La lûs, ancje in gracie dal interessament de Adoc di Pordenon, e je tornade te sere dal lunis. (a.d.g.) – 23.04.2024
