Al jere daûr a taiâ la jerbe intal zardin de sô aziende, la P&P Chairs, inte zone comerciâl La Brava di S. Zuan dal Nadison, cuant che il tratorut che al vuidave al à dât cuintri di une tubazion esterne di gas gpl. La fuide di gas e à impiât il fûc dal tratorut, provocant ustions, in maniere fortunade no grâfs, aes gjambis dal om. Al è stât puartât tal ospedâl di Udin Giorgio Passoni, 45 agns, di S. Zuan dal Nadison, titulâr de P&P Chairs.
A jerin di pôc passadis lis 7.30 di vuê cuant che si è verificât l’incident in vie del Rovere 5. L’om al varès dât cuintri in maniere malacuarte a une tubazion esterne di gpl, che si cjate dongje dal vaporizadôr. Intal curtîl de dite a son presints doi serbatoris intierâts. Il gas gjavât al passe traviers dal vaporizadôr e al rive in maniere direte dentri dal implant.
Par vie dal poc, il tratorut al à cjapât fûc e Passoni al à ripuartât une serie di ustions aes gjambis. Sul puest a son intervignûts i sanitaris adun cu lis Vuardiis dal fûc. (A.D.G.) – 09.06.2023
