Al agredìs la ex trê voltis intune setemane: il Gip Mariarosa Persico ai 20 di Novembar e à disponût par un irakian di 27 agns, resident a Udin, la misure cautelâr in preson. Dôs setemanis indaûr, l’om al veve blocât intal puarti di un palaç une furlane che e veve vût une relazion cun lui e le à ofindude, molantle dome cuant che jê e je jentrade intune buteghe e e à domandât jutori.
Il dì dopo la femine e à presentât cuerele, contant di vê sierât cul om parcè che, di là di jessi violent, al pretindeve che no frecuentàs o e saludàs altris oms. Ae tornade a cjase, lui le à spietade in strade e le à ofindude di gnûf. Cinc dîs dopo, l’om le à brancade ai pols e sdrondenade intant che e passave dilunc une vie dal centri. Il violent al à molât dome dopo l’intervent di un corîr e la rivade des Fuarcis dal ordin. (a.d.g.) – 21.11.2023
