Daspò di un incident i carabinîrs lu cjatin cjoc in bale e che al veve fumât cannabis

Un om che al vîf a Cjavaç al è stât cjatât dai carabinîrs, dilunc di un control daspò di un bot cu la sô auto, cjoc in bale e che al veve ancje fumât marihuana.

Il control al è rivât daspò che l’om al veve vût un incident juste a Cjavaç tal principi di Fevrâr, par fortune cence fâ mâl a nissun. Cuant che i carabinîrs i àn fat fâ l’alcoltest, a àn scuviert che al veve un tas di alcul di 2,39, cuasi cinc voltis il limit permetût. Cun di plui al veve ancje fumât di pôc marihuana. Par chest il vuidadôr al è stât denunziât. E cussì, di là de sanzion al è rivât ancje il ritîr de patente di vuide. (a.d.g.) – 03.03.2025