Demence senîl, Friûl-Vignesie Julie tra lis regjons plui batudis in Italie

Il Friûl-Vignesie Julie e je tra lis regjons talianis plui batudis dal probleme de demence senîl. Il teme al è vignût fûr intal cors di une cunvigne internazionâl organizade a Cormons di Asugi e Regjon.

Demence senîl e comunicazion sanitarie post-Covid a son stâts tal centri di une cunvigne internazionâl in sale civiche a Cormons. De conference al è saltât fûr in particolâr che i numars che a rivuardin i câs di demence senîl a sedin in cressite e che il Friûl-Vignesie Julie e je une des regjons talianis che plui si cjate a vê a ce fâ i conts cun cheste patologjie.

Focus ancje su cemût che il setôr sanitari si sedi cjatât a vê di frontâ gnûfs ostacui comunicatîfs dopo la pandemie. (a.d.g.) – 26.10.23