Intal 2022 la Polizie Postâl e à frontât tantis sfidis investigativis, in particolâr inte prevenzion e intal contrast ae pedopornografie in linie, inte protezion des infrastruturis critichis e sensibilis, intai crimins economics e relatîfs aes menacis eversivis – teroristichis.
In dut in F-Vj a son stâts denunziâts 90 di lôr par reâts cuintri la persone, cuâi pedopornografie e seduzion in linie (46), sostituzions di persone, Revenge Porn, Hate Speech, menacis, molestiis, stalking e difamazions in linie (44), intant che sui reâts cuintri il patrimoni tant che sfrôs informatichis (17), imbrois in linie (86), robarie, estorsion e apropriazion no dovude (13) acès abusîfs e atacs a sistemis informatics (siet) a son stadis individuadis e denunziadis 123 personis. Cuatri lis personis arestadis – une par pedopornografie in linie e trê par imbroi – e 213 denunziadis ae autoritât judiziarie.
A son stadis fatis 80 percuisizions, 163 patuliis par un totâl di plui di 1.600 uficis postâi controlâts e scurîts trê logâts web. (A.D.G.) – 4.01.2023
1 coment
Une scirie di imbrois. Mior sta cun il cjâf collegât e distacasi dala ret… Un grum massa peng di robis no scletis…ogni tant ingrope il ciriviel encje par robis di mancul… Si sta dispess cul magon par no savé ben claramentri ce ca ven fûr di tantis pagjinis telematichis… Sanglôc dal cjâf ala fin e inciussiments pe vie di “distupiis”.