Diluvi sul Friûl tal dopomisdì, te Basse e fintremai tes Vals

Inagaments un pôc in dut il Friûl vuê dopomisdì, cuant che a son vignudis ju’ seglotadis di aghe, de Basse e fintremai a Cividât e intes Vals dal Nadison.

Par almancul 20 minûts e je vignude ju’ aghe a seglots che e à causât inagaments intes zonis a nord e a est di Udin, a Tavagnà, a Cividât, a Faedis e a Grions, dome par nomenâ cualchidun dai paîs batûts dal diluvi. (a.d.g.) – 10.10.2024