Al è ancjemò in cors il siopar dai dipendents di Arriva Udine, dopo chel di cuatri oris za proclamât ai 16 di Dicembar passât. Il stop al è stât convocât par dute la zornade, e al è acompagnât di un sit-in di proteste ae jentrade dal dipuesit dai mieçs, a Udin in vie dal Partidôr. Daûr ae seconde fase de mobilitazion, si lei intal volantin difondût des Rsu e des segretariis teritoriâls di Filt Cgil, Fit-Cisl, Uiltrasporti e Faisa Cisal, “la mancjance totâl di volontât de aziende di rivâ a soluzions che a rivuardin i organics, il condurâ dal ricors al straordenari, la decurtazion des feriis, lis percorincis inadatis di tantis corsis”.
I sindicâts a denunziin ancje “il mancjât rispiet dai acuardis sotscrits tra lis parts” e a riclamin “la viertidure improrogabile di une taule di discussion sui acuardis di secont nivel, fers di plui di vincj agns e fondamentai par tornâ a dâ sostance aes retribuzions dai lavoradôrs, che a àn patît une pierdite pesante dal propri podê di acuist”. (A.D.G.) – 27.03.2023
