Dîs chilometris cuintri man: tragjedie sfrissade in autostrade.

Domenie, une femine di 85 agns di Tei Venit e je jentrade in autostrade intal viers sbaliât, a Puart, rivant fin in Friûl. E à fat dîs chilometris prime di jessi fermade a Daçan di une patulie de polizie stradâl di Spilimberc. Par fortune nol è stât nissun incident. Blocade de patulie in servizi, la viele e à dite ai agjents che no si jere inacuarte di vê falât. Di là de sanzion aministrative, la machine cumò e starà ferme par trê mês. (A.I.) – 06.02.2023