Doi forescj cjapâts de Polizie locâl ae vuide di dôs machinis a Udin cence vê documents in ordin

Il prin dai doi al è stât blocât in vie Leopardi dentri di une machine cun targhe todescje e cuntune patente gjeorgjiane che e jere falade. Pal om 5 mil euros di multe e il fer aministratîf de machine.

Il secont, che al rive dal Mali, al è stât multât parcè che al vuidave une auto che e jere stade metude sot secuestri pe mancjance di assicurazion. Par lui, sanzion di doi mil euros, denunzie par falsetât ideologjiche e secuestri, ancjemò une volte, de machine. (a.d.g.) – 19.03.2025