75
Moments di grande pôre îr vie pe gnot a S. Zorç da la Richinvelde. I pompîrs, doprant un elicotar, a àn salvât dôs personis des aghis di doi torints in plene, Midune e Ciline. I doi amîs a jerin restâts blocâts suntune isule che si jere creade tra i doi torints e i Vigjii dal fûc, in coordenament cu la Prefeture di Pordenon, a àn domandât il jutori dal 5^ reziment aviazion dal Esercit Rigel di Cjasarse.
Doi socoridôrs dai pompîrs, adestrâts par lavorâ in aghe, a son lâts cul elicotar che al pues svolâ di gnot e a son rivâts a tirâ su’ i doi oms in sigurece. (a.d.g.) – 17.05.2024
