Un fantat a pene che maiôr di etât e une fantate di 16 agns a son restâts ferîts in maniere serie intun incident stradâl sucedût intal prin dopomisdì a Triest. Secont causis in cors di aciertament, i doi pedons a son stâts cjapâts sot di un autobus de Trieste Trasporti.
La dinamiche dal incident e je cumò al studi de polizie locâl. L’incident al è sucedût tal plaçâl della Barriera Vecchia, intune zone centrâl de citât. Il mieç, stant a ce che si sa, al jere daûr a passâ dilunc de corsie risiervade ai bus e al jere diret viers place Garibaldi. Nissun dai passizîrs de coriere al risulte ferît. Sul puest a son intervignûts, di là de polizie locâl pai rilêfs e la gjestion de viabilitât, ancje i socors sanitaris e i Vigjii dal fûc. (a.d.g.) – 13.11.2023
