Domenie ai 25 di Avost il disarmament de bombe a Nova Gorica

E sarà fate domenie ai 25 di Avost la bonifiche de bombe di avion de Seconde vuere mondiâl cjatade dongje dal plaçâl de Transalpina a Nova Gorica, a pôcs metris dal confin cu la Italie. Lis operazions a tacaran tor des 7 de buinore, fasint slontanâ fin aes 9 ducj i residents de zone rosse.

In Italie a jessi slontanâts di cjase a saran tra lis 1.500 e lis 2.000 personis, tra chês al è ancje il sindic Rodolfo Ziberna, che di pôc timp al è lât a vivi propit dongje dal confin.

Tor des 10 di matine a tacaran lis operazions di disarmament de bombe di bande dai artificîrs slovens.

Cheste decisions e je stade cjapade vuê di matine des autoritâts dilunc de riunion li de Prefeture di Gurize. (a.d.g.) – 23.08.2024