Un om di 77 agns al è stât socorût cheste matine intune abitazion di Glemone in graciis de colaborazion tra la vuardie mediche e la scuadre sanitarie di une ambulance di Glemone e la Sores.
L’om si sintive pôc ben e al à clamât la vuardie mediche rivade daurman inte sô abitazion. Dopo pôc la rivade dal miedi, il pensionât al è stât cjapât di un infart e daspò di un arest cardiocircolatori.
La vuardie mediche e à alertât par timp la Struture operative emergjence regjonâl sanitarie e i infermîrs a àn inviât daurman sul puest la ambulance.
Inviade la rianimazion cardiopolmonâr dai sanitaris, il cûr dal om al à tornât a bati.
Dopo la corse, in codiç ros, al ospedâl Sante Marie de Misericordie di Udin: dilunc dal viaç ae volte dal nosocomi, l’om al è lât di gnûf in arest, e al è stât sometût di gnûf a rianimazion fin ae rivade al pront socors. (A.D.G.) – 25.02.2023
