Dopo cinc mês e torne a vierzi la strade a Cormons

E je stade tornade a vierzi al trafic dopo cuasi cinc mês la strade regjonâl 56 ae altece di Cormons. Il toc di strade al jere stât blocât ae circolazion pai lavôrs di abatiment di un puint, po dopo pal bloc des stessis operazions par vie dal amiant cjatât inte struture e par permeti il coret smaltiment dal materiâl. I lavoradôrs a àn finît i lavôrs di metude in sigurece dal sît e duncje a àn tornât a vierzi al trafic la strade. L’intervent al larà indevant cu la demolizion de ultime part dal manufat feroviari dai agns ’70. La presince di amiant e à fat cressi no dome che i timps, ma ancje i coscj de operazion, che a passin i 800 mil euros. (A.I.) – 25.09.2023