Controi intal setôr edîl e de ristorazion di bande dal Nucleo Ispettorato Carabinieri del Lavoro di Udin, cu la colaborazion dai militârs des Compagniis di Udin, Tumieç e Tarvis.
Lis verifichis, fatis su dut il teritori provinciâl, a àn permetût di individuâ inadempiments in materie di sigurece sui lûcs di lavôr, cuâi assence di protezions e mancjât rispiet des normativis sul ûs des armaduris, mancjance di manutenzion dai presidis antifûc, mancjance di dotazion dai presidis di pront socors e di documentazion pe valutazion dai pericui. A son stadis controladis dôs aziendis dal setôr edîl e une ativitât di ristorazion, individuadis des bancjis dâts, par un totâl di dîs lavoradôrs. A son stâts sospindûts un cantîr e un ristorant par violazions gravis su la sigurece. Fates multis par 29.300 euros. (A.D.G.) – 11.08.2022
