Dôs autos in flamis intune rimesse a Udin

Une machine Mercedes Gla eletriche lassade in cjarie de proprietarie – une citadine brasiliane – e à cjapât fûc îr tor de miezegnot. Lis causis dal fûc a saressin acidentâls.

La auto, parcade intune rimesse di un condomini di vie della Vigna, e je lade dal dut fiscade e lis flamis a àn cjapât ancje une altre machine di proprietât di un citadin belghe fasint tancj dams.

I pompîrs rivâts daurman a àn fat in mût di limitâ i dams e intant che cierts di lôr a studavin il fûc, altris a fasevin jessi la int fûr dal condomini, ancje parcè che il fum al jere lât su’ fintremai tai apartaments. (a.d.g.) – 03.07.2024