Dôs fantatis menaçadis di un forestîr tal centri di Udin

Îr di sere a Udin, tor lis 10.15 in vie Poscolle, un afghan al è corût daûr a dôs fantatis che a jerin a pene jessudis di un ristorant. Lis dôs zovinis a vevin di lâ a cjoli la auto parcade dongje dal parc Moretti cuant che il forestîr al è tacât a menaçâlis di muart e a insultâlis.

Plenis di pôre, lis dôs amiis a son jentradis dentri di un ristorant gjaponês, indulà che un dai impleâts lis à difindudis e al à dât cuintri subite al afghan che al cirive di jentrâ.

Sul puest a son rivâts daurman i agjents de Cuesture di Udin che in pôc timp a àn cjatât e blocât il forest. (a.d.g.) – 22.04.2024