11
La Polizie locâl di Pordenon–Cordenons e à tirât dongje elements che, adun cu lis testemoneancis e il control incrosât dai dâts, a varessin di tornâ une vore utii par cjatâ il pirate de strade che intal dopomisdì di îr al à pocât cu la sô machine une siore fasintle colâ ju’ par tiere.
Daspò dal incident il vuidadôr si è fermât pôc plui indenant, ma al è tornât a partî daurman cence judâle. La siore, indenant cui agns, e je stade puartade tal ospedâl di Pordenon in Codiç zâl cun feridis lizeris.
L’om de siore al à provât a corii daûr, e al à tirât ju’ ancje cualchi numar de targhe, il colôr e il model de auto, dâts ai agjents che cumò a stan cirint il pirate. (a.d.g.) – 25.11.2024
