Ultin svol di adestrament “invernâl” pes Frecce Tricolori, che vuê a buinore intal cîl di Rivolt a àn di fat viert la lôr sessantesime tierce stagjon acrobatiche.
E je une stagjon segnade insot de sparizion dal maiôr Alessio Ghersi, il pilote de Patulie acrobatiche nazionâl colât ai 29 di Avrîl cuntun ultralizêr, insiemi a un parint, inte alte Val Tor.
Il 2023 al sarà ae insegne des celebrazions dal Centenari de Aeronautiche Militâr, che lis sôs fiestis a puartaran la Pan, dai prins di Jugn a metât Otubar, a jessi presinte, cun almancul une manifestazion aerie o un sorvoli, in dutis lis regjons di Italie.
Cun di plui, cu la iniziative “AM ringrazia l’Italia”, lis Frecce Tricolori a fasaran un o sorvoli su ogni capitâl di regjon par graciâ ducj i citadins talians che a àn servît e supuartât la Fuarce Armade in chescj cent agns di storie.
Di impuartance particolâr lis datis di sabide ai 17 e domenie ai 18 di Jugn, cuant che intal cîl dal aeropuart militâr di Pratica di Mare, si fasarà une grande manifestazion aerie vierte al public, là che si podarà assisti al svol di avions storics e modernis in fuarce ae Aeronautica Militare e che e sarà sigjilade des Frecce Tricolori. (A.D.G.) – 30.05.2023
