E restarà in preson Erika Podmenich, la femine che lunis passât e veve copât in vie delle Beccherie tal centri di Triest Isabella Tregnaghi prime cirint di scjafoiâle cuntune siarpe e po dopo traint une curtissade intal cuel de vitime.
Il Gip Marco Casavecchia al à dât acet ae domande dal procuradôr Federico Frezza e dai sostitûts Ilaria Iozzi e Andrea La Ganga, refudant la domande di domiciliârs fate dal legâl de femine.
Cuintri de femine di 59 agns e je la acuse di omicidi dopo che e à confessât lis sôs colpis. I carabinîrs le vevin blocade intant che e jere ae vuide de sô auto dôs oris dopo dal fat.
Podmenich e veve ametût di vê copât la vitime ae fin di une barufe, ma i investigadôrs a stan cirint di capî se e je stade premeditazion. (a.d.g.) – 04.04.2025
