Lis fuarcis dal ordin vuê di matine a àn fat controi inte Casa dell’Immacolata a Udin e nol è saltât fûr nuie di ce. Lu à dit Vittorino Boem, president de struture di acet pai minôrs forescj no compagnâts, che al fevele ancje di risultât positîf che al dimostre che il slontanament dai fantats plui complicâts al sta dant bogns risultâts.
“Polizie e carabinîrs – al à visât Boem – a àn fat un control a sorprese. Il sorelûc al è rivât cence visâ nissun, come di acuardi, nancje noaltris. A pet dai prins mês dal an, la situazion e va une vore miôr e no son plui stâts problemis impuartants sedi dentri sedi di fûr de struture”.
Chest par Boem al è merit dal fat che, in acuardi cu la Prefeture, la Cuesture e il Comun di Udin a son stâts slontanâts i zovins plui dificii, ven a stai 5 fantats de Casa dell’Immacolata e altris cuatri di altris comunitâts, mandâts in Centri Italie, in Sardegne e un in Pulie. (a.d.g.) – 19.11.2024
