“Ein Prosit” al puarte i miôr cogos in Centri citât

Edizion numar 23 dal 19 ai 24 di Otubar a Udin par Ein Prosit, ideât e organizât dal Consorzio di Promozione Turistica del Tarvisiano, di Sella Nevea e del Passo Pramollo. Une cunvigne enogastronomiche che e met in relazion la culture culinarie, la tradizion vinicule regjonâl e la cognossince des materiis primis inte cusine cun cenis, cercis, incuintris e laboratoris dedicâts. Cul so riclam costant al è aromai un dai avigniments simbul de enogastronomie in Italie e intal rest dal mont. Pal tierç an, si fâs intal Centri di Udin, cuntun calendari di passe 120 apontaments ae scuvierte dai miôr cogos, plats, prodots, vins e imbinaments. I temis dal an a son la rinassite e i vins blancs. (A.I.) – 19.10.2022