10
Al è stât condanât al ergastul Filippo Turetta, che al veve copât la puare Giulia Cechettin ai 11 di Novembar dal 2023 a Fossò, in provincie di Vignesie. Il cuarp de fantate al jere stât cjatât cualchi di’ dopo intun canalon dilunc de strade che di Plan dal Cjaval e puarte a Barcis.
La sentence de Cort di assise di Vignesie e je stade lete vuê tal dopomisdì dal president dal coleç Stefano Manduzio.
I judiçs a àn ancje decidût un risarciment aes parts civîls cul paiament di 500 mil euros a Gino Cechettin, di 100 mil par om ai fradis di Giulia, Elena e Davide, e di altris 30 mil par om ae none Carla e al barbe Alessio. (a.d.g.) – 03.12.2024
