Famee salvade dal fûc a Pordenon

Vuê di matine a Pordenon une famee e je stade salvade dai Vigjii dal fûc dopo che tal plan tiere de lôr cjase cun doi plans si jere impiât un fûc. Chei che a jerin a stâ inte cjase a son lâts suntune terace indulà che a àn spietât i socors. Par fortune in vie Stelvio a son rivâts daurman i pompîrs cuntune autoscjale e une autobote.

Intant che une scuadre dai Vigjii dal fûc e puartave a salvament la famee, une altre scuadre e tacave a studâ lis flamis prime che a rivassin a brusâ il prin plan, za plen di fum.

Sul puest a son rivâts ancje i infermîrs. Lis causis dal fûc a son sot investigazion intant che i pompîrs a àn metût in sigurece la cjase. (a.d.g.) – 25.02.2025