Un fantat di 12 agns al è stât tirât sot in plaçâl Chiavris a Udin vuê di matine di un camion de Net intant che al faseve manovre. Par causis di sclarî dai carabinîrs dal Nucli radiomobile di Udin, il fantat che al stave lant cu la sô biciclete al è stât pocât dal camion e a l è colât a tiere, dongje des strissis pedonâls.
Lis cundizions di salût dal zovin a son someadis daurman griviis e il personâl dal 118 lu à puartât di corse tal ospedâl.
La sere prime tor 8 a Basilian al jere stât un altri invistiment in vie Carnia indulà che une fantate di 14 agns e jere stade cjapade sot di une auto vuidade di un om di 53 agns intant che e stave traviersant la strade. La fantate e jere stade puartade in svol cul elicotar tal ospedâl di Udin ma lis sôs cundizions no saressin griviis. (a.d.g.) – 21.09.2024
