22
Cinc dîs di prognosi e tante pôre dopo ce che i è sucedût. A son lis consecuencis par une fantate di 13 agns di Udin che e je stade vitime di une vuaite e batude di cuatri zovinis intant che tancj altris a fasevin un video cul telefonin.
“A son ladis daûr di mê fie tacant de stazion dai trens – al conte il pari – par rivâ a batile. Dôs fantatis a àn tignût in bande une sô amie e altris cuatri le àn batude. Intal Pront socors la zovine e je stade curade, ma e je restade plene di pôre. Intant nissun dai gjenitôrs des fantatis che a àn alçadis lis mans si son fats sintî”.
Sul fat a stan investigant i carabinîrs dopo che il pari al à presentât une denunzie. (a.d.g.) – 23.01.2025
