Femine colpide di infart intant che e jere in auto

E je in cundizions gravis la femine di plui o mancul 51 agns di etât colpide di infart inte matine sul tart di vuê intant che si cjatave cu la sô veture in vie Nuova a S. Vît di Feagne. La femine e à pierdût i sens dentri de auto, ferme a ôr de strade e e je stade notade di cualchi passant che al à clamât daurman i socors. Sul puest a son rivâts une ambulance di S. Denêl e la machine di emergjence mediche di Udin. Il personâl medic infermieristic al à inviât lis manovris di rianimazion cardiopolmonâr, continuadis dopo ancje dilunc de corse, in codiç ros, al ospedâl Sante Marie de Misericordie di Udin. (A.D.G.) – 13.04.2023