22
Une femine di plui o mancul trente agns e je colade, vuê di matine, tor des 11, in mâr a Triest, intant che e cjaminave dilunc il Molo Audace, forsit distrate dal panorame. Un om che al jere pôc lontan al à rivât a tirâle fûr de aghe glaçade.
Pôc dopo a son rivâts i militârs de Cjapitanarie di Puart e il personâl sanitari che le à curade e scjaldade par evitâ che la temperadure dal cuarp e cali masse. Ae fin la femine e je stade puartade tal ospedâl par altris controi. (a.d.g.) – 23.01.2025
