Femine muarte di un an cjatade tai cjamps a sud di Aquilee

Il scheletri di une femine – Rosa Gallo, 70 agns, di Scluse ma cence cjase – al è stât cjatât îr tal tart dopomisdì intai cjamps a sud di Aquilee. A viodi ce che al restave dal cuarp de puare femine a son stâts dai operaris clamâts par fâ un sorelûc intune aziende agricule dongje. Il scheletri si cjatave par tiere dongje di une roulotte, indulà che di timp la femine e viveve dal dut di bessole. Sul puest a son rivâts i carabinîrs e il miedi legâl.

I prins controi a àn scartât che si sedi tratât di une muart violente. La muart de femine e varès di jessi di almancul un an indaûr e e sarès leade a causis naturâls. I rescj a son stâts cjapâts sù e puartâts li de cjase mortuorum tal ospedâl di Palme. (a.d.g.) – 14.02.2025