171
Intun cantîr edîl a Tarcint, un operari bosgnac di 58 agns, resident a Tresesin, al à patît une lesion a un pît, provocade de colade di un pês dal alt, intant che al jere daûr a fâ dai lavôrs di pulizie. L’om, dopo lis primis curis, al è stât puartât cu la ambulance al ospedâl di Udin. Sul puest a son rivâts i Carabinîrs, il Public ministeri di turni e i funzionaris dal Ispetorât dal lavôr. (A.D.G.) – 06.07.2022
