‘Fiestis’ limitadis pai austriacs a Lignan

Lignan si prepare ae Pasche di Mai e soredut a miârs di zovins austriacs che a rivaran. Par prevignî lis intemperancis za viodudis tai agns passâts, a son stadis metudis a pont diviersis misuris in viste de fieste austriache dai 28 di Mai, par impedî il plui pussibil i compuartaments ilecits e cence rispiet. La Aministrazion comunâl e adotarà duncje ordenancis specifichis par contignî l’abûs di sostancis alcolichis, par limitâ i acès intes areis di lît libar e improibî i bivacs dilunc des oris noturnis, e par evitâ il dam di lûcs e furniments urbans. Lis misuris di sigurece, decidudis intune riunion cul Prefet di Udin, Massimo Marchesiello, a podaran jessi dopradis ancje pes fiestis di Jugn e in dute la stagjon estive. (A.I.) – 09.05.2023