Par finî i lavôrs de gnove sede de Protezion civîl di Glemone a rivaran de Regjon 185 mil euros. Dentri dal edifici a saran ancje i uficis de struture regjonâl dal Socors alpin. Lu à dit l’assessôr regjonâl ae Protezion civîl, Riccardo Riccardi, che al à visât che “il Socors alpin si è dimostrade une altre organizazion une vore impuartante pal teritori e pal lavôr che e fâs a pro de comunitât, come che al è sucedût cu la tampiestade di Mortean l’an passât”.
Il finanziament straordenari decidût de Zonte al permetarà di finî i lavôrs che a son za une vore indenant tal imobil di vie Osoppo (che un timp al jere sede dai uficis de imprese Venturini) e di rindi dal dut operative la gnove sede par dutis i dôs lis organizazions. (a.d.g.) – 06.09.2024
