Brutis gnovis par ducj i vuidadôrs. Il scont aes acisis su benzine, gasoli, Gpl e metan al sarà dismiezât tacant di joibe il Prin di Dicembar, si che duncje fâ il plen al costarà di plui. Il scont su la benzine e il gasoli al passe di 0,25 centesims al litri a 0,15, pal gpl di 0,085 par kg a 0,051. La riduzion dai sconts no à efiet sui autotraspuartadôrs ,che a gjoldin di altris regjims agjevolâts. Daûr dai calcui, l’aument al varès di jessi di plui o mancul 10 centesims al litri, viodût che il scont su lis acisis nol sarà plui di 25 centesims plui Iva (30,5 centesims), ma di 10 centesims in mancul. Il presit de benzine al varès di rivâ a 1,9 euros, chel dal gasoli fintremai di là dai 2! Une “decision assurde” secont il Codacons, che e compuarte un aument di presit di 146 euros al an par famee. (A.I.) – 30.11.2022
169
