Inte matinade di vuê il cuestôr de Provincie di Pordenon Luca Carocci e il diretôr de Cjase Circondariâl di Pordenon Irene Iannucci, par cont dal Proveditôr Regjonâl de Aministrazion Penitenziarie pal Venit, Friûl-Vignesie Julie e Trentin-Sud Tirôl, a àn firmât il protocol su la violence di gjenar, daûr des modalitâts sugjeridis dal Codiç Ros.
Su la base di chest protocol, ducj i Istitûts di pene presints in Venit, Friûl Vignesie Julie e Trentin-Sud Tirôl cun cadence mensîl o, se necessari, pes viis curtis, a comunicaran la jessude iminente, par liberazion, revoche de custodie cautelâr, permès, riamission in libertât, lade fûr a vari titul, dai detignûts che in provincie di Pordenon a vedin residence, domicili, o ancje a vedin cometût i delits previodûts dal acuardi. (A.D.G.) – 01.02.2023
