186
Une mame e il so piçul a son stâts socorûts chest dopomisdì dai infermîrs di une ambulance, inviade de centrâl Sores. La femine e il frut a jerin intosseâts in maniere lizere par vie di un fûc che si è impiât inte lôr abitazion, a Sant Zorç de Richinvelde.
Mari e frut a son stâts compagnâts al ospedâl di Pordenon par ducj i aciertaments dal câs.
L’alarme al è partît ator des 3 dal dopomisdì, inte frazion di Dograve: a cjapâ fûc il fornel. La zovine femine, che si cjatave in cusine cul so frut, e a rivât a contignî lis flamis che si stevin za propagant ae nape e a dâ aiar ai locâi che si stevin jemplant di fum. Dopo e je lade fûr in strade cul frut, in spiete de scuadre dai Pompîrs rivade dal distacament di Spilimberc. (ADG) – 27.10.2022
