Flamis intune abitazion a Caprive

Pôc dopo lis 7 e mieze di vuê a buinore lis Vuardiis dal Fûc dal comant di Gurize a son intervignudis cuntune scuadre supuartade de autobote, de autoscjale e il funzionari di vuardie a Caprive pal fûc intune abitazion. Dal edifici, une cjase bifamiliâr di doi plans, a levin fûr bugadis di fum dai barcons dal lozament tal prin plan. I pompîrs a son jentrâts daurman intal apartament e a àn verificât che dentri no fossin personis, duncje a àn proviodût a distudâ lis flamis. Une volte studât il fûc, i locâi incendiâts a son stâts metûts in sigurece. Il sorelûc intal lozament al plan teren al à permetût di verificâ che al jere presint dome cualchi dam di infiltrazion de aghe doprade pe studâ il fûc. Ancjemò in fase di aciertament lis causis dal fûc. (A.D.G.) 04.04.2023