Flamis suntune barcje a Grau, subite distudadis dai pompîrs

Intervent dai pompîrs îr dopomisdì a Grau, indulà che al jere sclopât un fûc suntune barcje doprade par dragâ. Sul puest, intal canâl Litoranea Veneta, a son rivadis dôs barcjis che a àn daurman studât lis flamis tacadis intun gjeneradôr, ma che ancjemò no si sa il parcè.

Daspò al è stât fat un control cu la termocjamare par viodi se a jerin problemis inte sale dai motôrs. Nissun si è fat mâl. Sul puest ancje une barcje de Vuardie costiere. (a.d.g.) – 29.08.2024