Fraudadôrs in azion a Pasian di Prât ai dams di une siore intimpade

Vecjos ancjemò inte smire dai delincuents, cheste volte a Pasian di Prât. Vitime une siore di 75 agns che îr sore sere e je stade clamade par telefon di un om che le visave che la fie e veve vût un brut incident e che a ocorevin daurman 5.400 euros par paiâ il risarciment.

Subite dopo un compliç si è presentât ae puarte de siore, in vie Udin, e si è fat dâ i bêçs in contants. Dome cuant che la siore e à capît di jessi stade fraudade e à clamât i carabinîrs di Cjampfuarmit, che a stan investigant. (a.d.g.) – 06.09.2024