Frazions di Savogne e Pulfar ancjemò cence aghe potabile

Intes 19 frazions di Savogne e di Pulfar la aghe dai rubinets no je ancjemò potabile. La ordenance fate miercus passât intai doi Comuns par cause di un presumût incuinament cun idrocarbûrs e je ancjemò buine, ma la emergjence e varès di finî.

Lis ultimis analisis fatis dal Cafc a son negativis, ma pal vie libare par doprâ la aghe par fâ di mangjâ e par lavâsi si spiete la conferme dai esams fats de Aziende sanitarie. (a.d.g.) – 22.10.2024