175
Incident cheste matine a Davian, dilunc de ex provinciâl 29, intal trat tra Dardâc e Davian, pôc lontan dal Cro. Une machine e un furgoncin si son dâts cuintri in maniere frontâl e un mieç al è finît fûr strade.
I infermîrs de Sores a àn inviât sul puest l’ecuipaç di une ambulance e l’elisocors, di là des Vuardiis dal fûc di Pordenon che a son rivâts a gjavâ une portele danezade par diliberâ la persone restade blocade dentri l’abitacul.
Dôs lis personis feridis: e je une femine di 50 agns, traspuartade in svol al ospedâl Sante Marie de Misericordie di Udin in cundizions seriis, intant che al à ripuartât lesions no gravis un om, acompagnât al ospedâl di Pordenon. (A.D.G.) – 13.01.2023
