Frut cjapât sot a Gurize

Un frut di mancul di 10 agns al è stât cjapât sot di une veture intal dopomisdì a Gurize in vie Zara, ae crosere cun vie San Michele, vignint sbalçât par cualchi metri e ripuartant un traume cranic. A dâ l’alarme a son stadis lis personis che a jerin cun lui in chel moment. Il frut al è stât socorût dal personâl de ambulance rivade sul puest pôc dopo. Il piçul ferît, restât simpri cussient, al è duncje stât traspuartât fin ae plaçute di rivade dal elicotar che lu à puartât dopo al ospedâl di Udin. (A.D.G.) – 17.04.2023