Frut cjapât sot dal porton a S. Quarin

Un frut al è stât cjapât sot intal prin dopomisdì di un porton dongje di une abitazion intal comun di S. Quarin. Lis personis che a jerin cun lui in chel moment lu àn diliberât dal manufat pesant e a àn clamât i socors, rivâts cuntune ambulance partide di Pordenon e cul elicotar. No cate lis feridis ripuartadis, il frut al è restât simpri cussient e po al è stât puartât in svol al ospedâl Sante Marie de Misericordie di Udin dulà che al è stât ricoverât in codiç zâl. (A.D.G.) – 07.04.2023