Frut di 2 agns cjapât sot a Lignan

Un frut di origjin vietnamite di 2 agns e mieç al è stât cjapât sot di une auto, vuidade di un talian, pôc dopo lis 9 di domenie matine a Lignan, in viale dei Platani. Il piçul, che al à ripuartât un traume cranic, al è stât traspuartât in elicotar al ospedâl di Udin in cundizions grivis. Sul puest i operadôrs sanitaris cun ambulance, elicotar e la Polizie locâl par ricostruî il fat e lis responsabilitâts dal incident. Secont ciertis ricostruzions, il frut al sarès lât fûr di bessôl, de jentrade di une cjase al plan tiere, cjatantsi di bot su la strade. (A.I.) – 22.08.2022