Moments di pinsîr cheste matine intal cuartîr Sant Svualt, a Udin. Une frute foreste di 4 agns e je stade cjatade a torzeonâ pal cuartîr in siele ae sô biciclete cu lis rudielis. La piçule, trancuile e legre, e jere bessole e a pedalave tra i listons e lis stradarolis dongje de strade regjonâl 353, cence nissun che al viodès di jê.
A viodi la piçule intai contors dal ex ospedâl psichiatric al è stât Simone Tutino, un consulent dal lavôr udinês. Preocupât pes sortis de frutine, dopo vê scuviert che la piçule no jere acompagnade e nancje vuardiade, Tutino al à domandât l’intervent dai carabinîrs che a àn cjapât in custodie la minôr. Un militâr de Radiomobile di Udin al à cussì scomençât a esplorâ lis viis dongje, scuvierzint, dopo pôcs minûts, che la piçule si jere slontanade dal pari, impegnât inte custodie di chei altris doi fîs piçui, a plui o mancul 80 metris di distance. (a.d.g.) – 06.09.23
