Sul cricâ dal dì di vuê si è impiât un fûc intal edifici de vecje fornâs di Flambruç, tal comun di Rivignan–Teôr, che al da acet ae comunitât “Gaia Terra” indulà che si cîr di vivi in armonie cu la nature. L’alarme al è stât dât tor des cuatrin e mieze: sul puest a son rivadis di Codroip e di Tisane scuadris dai Vigjii dal Fûc, judâts di une autoscjale e di autobotis che a rivavin dal Comant di Udin.
Lis flamis a àn cjapât il cuviert di un fabricât e la robe che e jere dentri. I dodis ospits che a jerin presints te comunitât a son scjampâts fûr, ma cuatri di lôr a àn scugnût lâ intal ospedâl par brusaduris e par vê respirât il fum. Sul puest ancje i carabinîrs di Tisane e il personâl sanitari mandât de Sores.
E cumò, pe Comunitât si trate di tornâ a meti dut a puest. Par chest si pense a une racuelte di fonts. (a.d.g.) – 11.03.2025
