Fûc intune cjase a Gurize vuê dopomisdì

I pompîrs dal comant di Gurize a son daûr a distudâ un fûc des 5.40 di vuê dopomisdì, intune cjase in vie Lungo Isonzo Argentina.

Il fûc al è tacât di robe metude di fûr di une cjase, cu lis flamis che dopo a stavin tacant ancje la cjase stesse. Intant che i pompîrs a cirivin di distudâ il fûc, dentri de abitazion a son stadis cjatadis trê personis che a son stadis puartadis fûr e judadis dal personâl sanitari rivât sul puest.

Doi oms a àn patît cualchi ustion intant che la siore e je stade puartade tal ospedâl parcè che intosseade dal fum. (a.d.g.) – 09.04.2024