65
E va indenant la bataie par distudâ il fûc impiât vuê di matine sul Cjars sloven inte zone de Mont Trstelj, che il fum si pues viodi ben di Gurize.
Cheste zone no veve patît i fûcs che a vevin fiscât passe 4.200 etars di bosc doi agns indaûr, ma cheste volte lis flamis a son deventadis daurman altis par cause ancje dal aiar e si pense che a impiâlu al sedi stât cualchidun.
La Slovenie e à daurman inviât il Plan di emergjence mandant a distudâ il fûc 200 pompîrs, doi avions e un elicotar, autorizâts de Cjapitanarie di puart di Monfalcon a cjamâ la aghe sul mâr denant di Marina Julia. Pronte a intervignî ancje la nestre Protezion civîl par judâ i slovens se al ves di coventâ. (a.d.g.) – 18.07.2024
