59
Un fûc si è impiât cualchi ore indaûr a Doberdò. La Protezion civîl di Gurize e je rivade in jutori cuntune scuadre e un mieç antincendi.
Il fûc si è impiât in bande ae strade di vie Trinco, che di Doberdò e puarte bande Jamian. Sul puest, par distudâ lis flamis si cjatin i volontaris de Protezion civîl dal Distret dal Cjars e dal Lusinç plui i pompîrs.
Altris scuadris di Protezion civîl di Gurize a jerin prontis a intervignî, ma il fûc cumò al è sot control e a stan tacant lis operazions di bonifiche. Fiscâts plui o mancul 6 etars di teren. (a.d.g.) – 26.08.2024
